Paulit ulit ulit, sa tuwing nagkakamali ako

Mga salitang di ko matanggap 

Ngunit sakin, mga ito iyong  nahanap

Magkaibang isip, magkaibang pakikitungo

Ito nga ba ang nagkapagdudulot ng gulong ito?

Isip na di nagtutugma

Pusong tila nakikipag digma

Pagbato ng mga salitang marahas

Pilit na paglalapat ng lakas

Oo, napapagod na ako

Nasasaktan din at nahahapo

Alam kong kasalanan ko
Alam kong ako ang dahilan neto
Pero parang awa mo na
Maghinay-hinay naman tayo

Lahat ng akusa at iyong paratang
Iyan, iyan ang naglalagay ng harang
Harang sa pagitan nating dalawa
Harang sa pagitan ng pagtititwala

Ito na ba ang bagong tayo?

Ganito na ba ang ayos say'yo?

Kasi di ko na makitang gusto mo pa

Na baguhin yung mga bagay na nagbago na

Kasi sabi mo kasalan ko
Na pati ikaw ay nagbago
Pero dito handa ako
Dahil matagal ko nang inasahan to


Ngunit hindi doon nagtatapos ang storya
Napakarami pa kasing natitirang pahina
At hindi porket nalapit tayo sa ating dulo
Titigil na't hindi na dudugtungan ito

Kase sa bagong dulo kaya kong simulan
Titingin sa liwanag sa ating harapan
Iyong kamay aking hahawakan
Upang sabay nating tahakin ang bagong daan